Հավանաբար գումար են ման եկել. Արմավիրի մարզպետը` մարզպետարանում գողության փորձի մասին
Արմավիրի մարզպետարանից ոչինչ չի կորել: Այս մասին NEWS. am-ի հետ զրույցում ասաց Արմավիրի մարզպետ Համբարձում Մաթևոսյանն` անդրադառնալով նախօրեին մարզպետարանում տեղի ունեցած գողության դեպքին:
«Իմ տեղեկություններով ոչ մի բան չի կորել, ոչ մի բան չեն հասցրել գողանալ: Հավանաբար գումար են ման եկել, չեն գտել, թողել հեռացել են: Շենքը 24 ժամյա հսկողության տակ է, պահակ ունենք: Սակայն պահակը չի նկատել առավոտյան են դեպքի մասին իմացել»,- ասաց մարզպետը:
Համբարձում Մաթեւոսյանը նշեց, որ մարզպետարանի շենքը բավականին մեծ է, այդ հատվածն էլ, որտեղ գողության փորձ են կատարել, պահակից բավական հեռու է գտնվում:
