20 համայնքներից միայն 2-ում են ՔՊ-ականները հաղթել

Քաղաքականություն

18.02.2019 11:06

ԿԸՀ–ն ամփոփել է փետրվարի 17-ին Հայաստանի 20 համայնքներում ՏԻՄ ընտրությունների արդյունքները, որոնք շատ ուշագրավ են: News am- ը տեղեկացնում է․ Արագածոտնի մարզի Տեղեր համայնքում 1 թեկնածու է առաջադրվել՝ անկուսակցական, համայնքի նախկին ղեկավար Գառնիկ Հովհաննիսյանը, ով ստացել է 84 ձայն եւ ընտրվել համայնքապետ։ Արագածոտնի մարզի Օհանավան համայնքում հաղթել է անկուսակցական Էդգար Հայրապետյանը, այս համայնքում նախկին համայնքապետը 2-րդն է՝ 485 ձայնով։ Արարատի մարզի Արեւաբույր համայնքում հաղթել է անկուսակցական, համայնքի ղեկավարի ժամանակավոր պաշտոնակատար Ջիվան Մանուկյանը՝ 381 ձայնով։ Արարատի մարզի Ուրցաձոր համայնքում հաղթել է իշխանությունների պահանջով հրաժարական ներկայացրած նախկին համայնքապետ Ռաֆիկ Անդրեասյանը, երկրորդ ՔՊ անդամ, համայնքի ժամանակավոր պաշտոնակատար Գեւորգ Ավետիսյանն է 744 ձայնով։ Արարատի մարզի Վարդաշեն համայնքում հաղթել է նախկին համայնքապետ Գեւորգ Բարխոյանը՝ 134 ձայնով, իսկ մյուս թեկնածուն՝ անկուսակցական Շահեն Ավագյանը ընդամենր 1 ձայնով է զիջում հաղթող թեկնածուին։ Արմավիրի մարզի Հայկավան համայնքում հաղթել է միակ թեկնածու, նախկին համայնքապետ, անկուսակցական Ռուբեն Ղազարյանը՝ 323 ձայնով։ Արմավիրի Հովտամեջ համայնքում հաղթել է նախկին համայնքապետ, անկուսակցական Արմեն Սարգսյանը 218 ձայնով։ Արմավիրի Նալբանդյան համայնքում բացարձակ առաջատարն է նախկին համայնքապետ Գրիգոր Մկրտչյանը՝ 961 ձայնով։ Արմավիրի մարզի Նոր Արմավիր համայնքում հաղթել է անկուսակցական, համայնքի նախկին ղեկավար Արթուր Ավետիսյանը։ Արմավիրի մարզի Վարդանաշեն համայնքում հաղթել է նախկին ՀՀԿ–ական համայնքապետ Արթուր Մանուկյանը։ Գեղարքունիքի մարզի Ակունք համայնքում հաղթել է անկուսակցական Նիկոլա Խարատրյանը, երկրորդը մշակույթի տան տնօերն, անկուսակցական Նորիկ Հայրապետյանն է, երրորդը ՔՊ–ական թեկնածու՝ Կարեն Սիմոնյանը։ Գեղարքունիք մարզի Վարդենիս քաղաքում հաղթել է համայնքի ժամանակավոր պաշտոնակատար անկուսակցական Արամ Մելքոնյանը՝ 1713 ձայնով, իսկ ՔՊ–ական թեկնածու, մարզպետի տեղակալ Վահան Զարոյանը՝ 6-րդն է՝ 504 ձայնով։ Համայնքում առաջադրվել էր 8 թեկնածու։ Լոռու Ձորագետ համայնքում հաղթել է համայնքի ժամանակավոր պաշտոնակատար, անկուսակցական Արմեն Գրիգորյանն է հաղթել։ Կոտայքի մարզի Նոր Գեղի համայնքում հաղթել է ՔՊ–ական թեկնածու, համայնքի ժամանակավոր պաշտոնակատար Վարդան Պապյանը՝ 1212 ձայնով, ում դեմ վերջին շրջանում բողոքի ցույցեր էին տեղի ունենում։ Կոտայքի մարզի Քաղսի համայնքում հաղթել է անկուսակցական 27-ամյա Ռաֆայել Գրիգորյանը, ով ԱԺ պատգամավոր Սասուն Միքայելյանի ընկերոջ որդին է։ Շիրակի մարզի Աշոցք խոշորացված համայնքում հաղթել է ՔՊ–ական Կարեն Մանուկյանը, նախկին ՀՀԿ–ական համայնքապետ Արթուր Ալոյանը երկրորդն է։ Շիրակի մարզի Հառիճ համայնքում հաղթել է նախկին համայնքապետ, անկուսակցական Ռոլանդ Նազարեթյանը՝ 361 ձայնով։ Վայոց ձորի մարզի Մալիշկա համայնքում հաղթել է անկուսակցական Գարիկ Նազարյանը, ով Եղեգնաձորի ՔԿԱԳ բաժնի պետն է, նախկին համայնքապետ Մհեր Մովսիսյանը պարտվել է։ Տավուշի մարզի Ակնաղբյուր համայնքում հաղթել է նախկին համայնքապետ, անկուսակցական Կարեն Դոլմազյանը։ Տավուշի մարզի Ծաղկավան համայնքում հաղթել է անկուսակցական, դպրոցի ուսուցիչ Իսկանդար Մեհրաբյանը։