Այսօր Ազգային ժողովի «Բարգավաճ Հայաստան» խմբակցության պատգամավոր Գևորգ Պետրոսյանն իր ելույթն սկսելիս ԱԺ դահլիճում նստած Նիկոլ Փաշինյանին խնդրեց հնչող քննադատությունները չընդունել մեղադրանք իր հասցեին: Նա մաս-մաս Նիկոլ Փաշինյանի ելույթում հնչած թեզերին: Մասնավորապես, անդրադառնալով Փաշինյանի այն արտահայտությանը, թե տնտեսական հեղափոխություն պետք է անի քաղաքացին, հայտարարեց. «Քաղաքացին իր հեղափոխությունն արել է: Էլ ի՞նչ անի, տնտեսական հեղափոխություն ո՞նց անի քաղաքացին, սոված մարդը ո՞նց անի տնտեսական հեղափոխություն: Ասում եք՝ մարդը նախևառաջ իր գլխում պետք է հաղթահարի սովը։ Կներեք, եթե ձեր հարազատը գա, ասի աղքատ եմ, դուք կասեք՝ գնա քո գլխում հաղթահարի աղքատությունը, նո՞ր արի: Պետրոսյանը նկատեց, որ այս երկու օրերի ընթացքում վարչապետն իր ելույթում ու հարցերին պատասխանելիս ավելի շատ տեղեկություններ է տրամադրել, քան գրված է կառավարության գործունեության ծրագրում»: