Չեխիան մտադիր չէ միջոցներ հատկացնել Ուկրաինայի ֆինանսավորմանը
Չեխիայի Հանրապետությունը չի մտադիրվում երաշխավորել Ուկրաինայի ֆինանսավորումը, հայտարարել է վարչապետ Անդրեյ Բաբիշը։ Նա այս մասին գրառում է կատարել իր X սոցիալական ցանցի էջում։
Չեխիայի կառավարության ղեկավարի խոսքով՝ Եվրահանձնաժողովը (ԵՀ) պետք է գտնի Ուկրաինային ֆինանսավորելու այլ եղանակներ։
«Մենք փող չունենք այլ երկրների համար։ Եվրամիությունը պետք է այս հարցը լուծի այլ կերպ։ Մենք ոչինչ չենք երաշխավորի և այնտեղ փող չենք ուղարկի», - ընդգծել է Բաբիշը։
Դեկտեմբերի 3-ին ԵՄ-ն հաստատել է Ուկրաինային այսպես կոչված 165 միլիարդ եվրոյի «փոխհատուցման վարկ» տրամադրելու ծրագիրը՝ սառեցված ռուսական ակտիվների առգրավման միջոցով։ Հանձնաժողովի նախագահ Ուրսուլա ֆոն դեր Լեյենը հայտարարել է, որ այդ միջոցները պետք է ծածկեն Կիևի ֆինանսական կարիքները հաջորդ երկու տարիների համար։ Սակայն Բելգիան, որտեղ պահվում է Ռուսաստանի սառեցված ակտիվների մեծ մասը, դեմ է արտահայտվել նախաձեռնությանը։
Ինչպես հաղորդել է Politico-ն, Եվրահանձնաժողովը ակնկալում է, որ երեք երկրներ՝ Իտալիան, Գերմանիան և Ֆրանսիան, կկրեն Ուկրաինային ռուսական ակտիվների միջոցով վարկ տրամադրելու բեռի մեծ մասը։
Հիշեցնենք նաև, որ Սլովակիան նախկինում հայտարարել էր, որ թույլ չի տա Ուկրաինային «փոխհատուցման վարկ» տրամադրել։
