Ֆինլանդիայում քրեական գործ է հարուցվել Գրետա Թունբերգի դեմ
Ֆինլանդիայում քրեական գործ է հարուցվել շվեդ բնապահպան ակտիվիստ Գրետա Թունբերգի դեմ, հաղորդում է Helsingin Sanomat թերթը։
Թերթի տվյալներով՝ երիտասարդ կինը մեղադրվում է իրավապահ մարմիններին խոչընդոտելու մեջ։ Խախտումը տեղի է ունեցել անցյալ տարվա հունիսին Հելսինկիի կենտրոնում Extinction Rebellion բնապահպանական շարժման ցույցի ժամանակ։ Ոստիկանությունը կանգնեցրել է ակտիվիստներին և հրամայել դադարեցնել ցույցը և լքել փողոցը։ Անհնազանդները, այդ թվում՝ Թունբերգը, տարվել են ոստիկանական բաժանմունք։
Նոյեմբերի 22-ին Extinction Rebellion ակտիվիստները Վենետիկում հանրահավաք են անցկացրել՝ COP30 համաժողովի արդյունքներից իրենց դժգոհությունը հայտնելու համար։ Այնուհետև նրանք ներկ են լցրել Մեծ ջրանցքի մեջ՝ ջուրը վառ կանաչ գույնով ներկելով։ Երկու օր անց The Telegraph-ը հայտնել է, որ 22-ամյա Թունբերգը և նրա մոտ 35 կողմնակիցներ տուգանվել են 150 եվրոյով և ժամանակավորապես արգելվել է մուտք գործել Վենետիկ։
