Չկա մարդ, որ գա պարտադրի բոլորին՝ հողեր հանձնել․ Դավիթ Բաբայանը՝ Սերժ Սարգսյանի հետ հայնտի հանդիպման մասին
Հայաստանի երրորդ նախագահ Սերժ Սարգսյանի կողմից երբեւէ տարածքային զիջումների պարտադրանք չի եղել: Այս մասին NEWS. am-ի հետ զրույցում նշեց Արցախի նախագահի մամուլի քարտուղար Դավիթ Բաբայանը՝ անդրադառնալով վերջերս Արցախի պաշտպանության նախկին նախարար Սամվել Բաբայանի հայտարարությանը, թե 2016 թվականին Սերժ Սարգսյանը Արցախի վերնախավին հավաքել եւ խոսել է տարածքային զիջումների մասին, իսկ վերնախավը որեւէ կերպ չի ընդդիմացել նրան:
Նրա խոսքով, այն, որ Արցախի հետ կապված խնդիրները, առավել եւս տարածքների, սահմանների կարգավիճակի հետ կապված, գտնվում են քննարկումների կիզակետում սա շատ կարեւոր եւ ողջունելի է, որովհետեւ այդ թեմաները իրոք մեր պետականության համար, թե ՀՀ, թե Արցախի համար շատ կարեւոր են:
