Իսրայելն Ադրբեջանին կրկին կվաճառի «մահապարտ» անօդաչուներ․ The Times of Israel
Իսրայելի պաշտպանության նախարարությունը իսրայելական Aeronautics ընկերությանը երկուշաբթի թույլատրել է Ադրբեջանին վաճառել «մահապարտ» անօդաչու սարքերը։
Անօդաչուների վաճառքն Ադրբեջանին արգելվել էր և նույնիսկ հետաքննություն էր սկսվել, քանի որ կասկածներ կային, որ Ադրբեջանը անօդաչուները փորձարկել է հայկական կողմի դեմ, ինչը հակասում է իսրայելական օրենսդրությանը։ Այդ մասին գրում The Times of Israel-ը։
Փետրվարի 4-ին Aeronautics-ը Թել Ավիվի բորսային տեղեկացրել է, որ Orbiter 1K «մահապարտ» անօդաչուները Բաքվին վաճառելու արգելքն այլևս չի գործում և ընկերությունը կարող է հնարավորինս արագ ԱԹՍ-ներ մատակարարել իր պատվիրատուին», - նշված է Aeronautics-ի հայտարարությունում:
Հայտարարությանն արձագանքել է ԱՄՆ Հայ դատի հանձնախմբի գրասենյակը՝ դատապարտելով հայերի նկատմամբ «մահպարտ» անօդաչուների հարձակումների համար «կանաչ լույս» վառելու՝ Իսրայելի որոշումը:
