Հենց պարապ են մնում, սկսում են խոսել խոսքի ազատության՝ իբր սահմանափակումների մասին. Մկրտիչ Իսրայելյան

Լրագրող Մկրտիչ Իսրայելյանը ֆեյսբուքյան իր էջում գրել է. «Ուրեմն այսօրվա իշխանություններին ամենաթունդ ընդդիմություն համարվող Քոչարյանին սատարող ուժերն ու Հանրապետական կուսակցությունը տիրապետում է այնպիսի մեդիառեսուրսի, որի մասին Քոչարյանի և հանրապետականների իշխանության տարիներին կերազեր ցանկացած ընդդիմություն: Հեռուստաընկերություններ, բազմատեսակ խելոք և ապուշ կայքեր, թերթեր, սոցանցերում վխտող ֆեյքեր ու ֆեյք լուրեր տարածող օգտատերեր: Ու հիմա էսքանից հետո մարդիկ կան, որոնք լուրջ դեմքով ամեն օր Հայաստանում խոսքի ազատության սահմանափակումների, մեդիայի վերահսկողության մասին բոբո հայտարարություներ են անում: Հենց պարապ են մնում, սկսում են խոսել խոսքի ազատության իբր սահմանափակումների, մեդիային իբր լռեցնելու ու եսիմ էլ ինչ վախենալու բաների մասին»: