«ՀԱՄԱՍ»-ը համաձայնել է փուլային զինաթափմանը

«Ալ Արաբիա»-ի փոխանցմամբ՝ «ՀԱՄԱՍ»-ը համաձայնել է Գազայի հատվածում փուլային զինաթափմանը։

Աղբյուրի տվյալներով՝ «ՀԱՄԱՍ»-ի Գազայի ղեկավարությունը շարժման արտասահմանյան ղեկավարությանը տեղեկացրել է խաղաղության ծրագրի երկու կետերի՝ զինաթափման և պաղեստինյան անկլավի քաղաքացիական աշխատակիցների վերաբերյալ իր համաձայնության մասին։

Նախաձեռնության 5-րդ կետը նախատեսում է «ՀԱՄԱՍ»-ի ռազմականացված կառույցների և Գազայի հատվածում քաղաքացիական կառավարման համակարգի, ինչպես նաև քաղաքացիական կառույցներում ներգրավված աշխատակիցների գործառույթների տարանջատումը։

8-րդ կետում նշվում է, որ «ՀԱՄԱՍ»-ի կազմավորումների զինաթափման գործընթացը պետք է իրականացվի փուլային եղանակով և միջազգային վերահսկողության ներքո, իսկ արմատական շարժման կողմնակիցների զենքը պետք է փոխանցվի ոչ թե իսրայելական կողմին, այլ նոր պաղեստինյան կառույցներին, որոնք կգործեն Խաղաղության խորհրդի հովանու ներքո և նրա հետ համակարգմամբ։