Երևանում մանկապարտեզների աշխատակիցների աշխատավարձերը 20%-ով կբարձրանա
Մանկապարտեզների աշխատակիցների աշխատավարձերը 20%-ով կբարձրանա: Այս մասին այսօր ավագանու նիստից հետո ասել է Երեւանի քաղաքապետ Հայկ Մարությանը:
Քաղաքապետը հավելել է, որ դա հնարավոր կլինի անել այս գարնանը:
«Մենք որոշում ենք կայացրել, որ 20%-ով բարձրացնում ենք մանկապարտեզների աշխատակիցների աշխատավարձերը: Երեւի, կկարողնանք մարտի վերջին կամ ապրիլի սկզբին իրականացնել: Դուրս են մնալու միայն տնօրենները, փոխտնօրենները առայժմ»,- ասել է նա:
