Հեղուկ գազն «անհայտացել» է գազի լիցքավորման կետերից

Հանրապետության գազի լիցքավորման կետերից անհայտացել է հեղուկ գազը: Ավրորա Մեդիան բազմաթիվ զանգեր է ստանում վարորդներից՝ հեղուկ գազ չկա, գազալցակայանները փակ են: Իհարկե սա խնդիր է, քանի որ հեղուկ գազը թերեւս վարորդների համար շարունակում է մնալ որպես մատչելի վառելիք: Ավրորա Մեդիան իր աղբյուրների օգնությամբ ճշտել է, որ հեղուկ գազ չլինելու հիմնական պատճառը Լարսի փակ անցակետն է: Բեռնատարների շարքում են նաեւ հեղուկ գազով բեռնված մեքենաները: Մեր լրատվականը փորձեց կապ է հաստատել հեղուկ գազ ներկրող մի շարք ընկերությունների հետ: Որոշներում հեռախոսները չէին պատասխանում: Իսկ այն ընկերությունները, որոնք այսօր աշխատում էին, հաստատեցին հեղուկ գազ չլինելու հանգամանքը: Նաեւ նշեցին, որ չի բացառվում, որ արդեն երկուշաբթի կամ երեքշաբթի վարորդները հեղուկ գազ ունենան: Մի ընկերությունից էլ ասացին, որ հեղուկ գազով մեքենաները եկել են, ուղղակի մաքսազերծման խնդիր կա: Քանի որ ամանորին չեն աշխատել, մաքսազերծման հարցում խնդիրներ են աջացել: Ինչեւէ հարգելի վարորդներ: Եկեք խուճապի չմատվենք, զինվենք համբերությամբ եւ հուսանք, որ առաջիկա աշխատանքային օրերի ընթացքում հեղուկ գազը կհասնի Հայաստան: