Հերթի կտրոններ են հավաքում և փորձում են վաճառել քաղաքացիների վրա. «Վարորդի ընկեր»
Ուշադրություն։ «Վարորդի ընկեր» հասարակական կազմակերպությունը զգուշացնում է․
«Հարգելի՛ վարորդներ, հանրային պահանջից ելնելով վերջին ամիսներին ՃՈ-ի հաշվառման-քննական բաժնում (МРЭО) տեղադրվել էին գործարքների հերթագրման համար նախատեսված սարքավորումներ։
Վարորդի Ընկերը բազմաթիվ բողոքներ է ստացել, որ որոշ անհատներ մեծ թվաքանակով հերթի կտրոններ են հավաքում և փորձում են վաճառել քաղաքացիների վրա։
Ճանապարհային ոստիկանությունից մեզ տեղեկացրին, որ դեպքի վայրում արդեն իսկ հերթապահում են ոստիկանության աշխատողները, որոնք միաժամանակ օգնում են վարորդներին գործարքների համար ճիշտ կտրոն վերցնել։
Նմանատիպ դրսևորումներ նկատելու դեպքում խնդրում ենք տեղեկացնել ճանապարհային ոստիկանությանը` 177»։
