Հիմա հատկապես պետք է արգելվի սիգի որսը, բայց ճիշտ հակառակն է․ Բարդուխ Գաբրիելյան
Վաճառվում են ոչ միայն մեծ ձկները, այլև ձկնկիթը, և զարմանալի է, որ ոչ մի տուգանք չի կիրառվում: Այս մասին այսօր լրագրողների հետ զրույցում ասաց ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուխ Գաբրիելյանն այսօր խոսել է սիգի պաշարներից։
«Հիմա ձվադրման շրջան է, ինչը խոսում է այն մասին, որ հիմա հատկապես պետք է արգելվի որսը, բայց ճիշտ հակառակն է։ Մեզ դիմեցին Բնապահպանության նախարարությունից, հարցրին, թե ե՞րբ է լինելու ձվադրումը, մենք ասեցինք 20-ից հետո, բայց դա չի նշանակում, որ չպետք է մինչ այդ պաշտպանեինք։ Այսօրվա որսված մի ձկով մենք կորցնում ենք հազարավոր ձկներ: Կոռուպցիայի դեմ պայքարը ոչ մի կերպ չի անդրադառնում այս հարցի վրա: Սևանի ձկան պաշարները պետական սեփականություն են, ստացվում է՝ չենք պաշտպանում պետական սեփականությունը»,- ընդծեց նա։
