Հայաստանի Վերաքննիչ դատարանը որոշել է վերացնել Մարտի 1-ի քննչական խմբի նախկին ղեկավար Վահագն Հարությունյանի նկատմամբ Երևանի ընդհանուր իրավասության դատարանի կողմից կիրառված կալանքի որոշումը և այժմ Հարությունյանն ազատ է։ Այս մասին գրում է Aysor.am-ը՝ հղում կատարելով նրա փաստաբան Միհրան Պողոսյանին։ Փաստաբանն ասաց, որ Վերաքննիչ դատարանի որոշումը դեռ չեն ստացել և առայժմ չի կարող տեղեկացնել՝ ինչի հիման վրա է իր պաշտպանյալն ազատվել կալանքից։ Այդուհանդերձ, նա դատարանի որոշումը դրական գնահատեց։ Հիշեցնենք՝ Հատուկ քննչական ծառայությունը Վահագն Հարությունյանին մեղադրում էր մարտի 1-ի գործով առանձնապես ծանր հանցագործության վերաբերյալ քրեական գործով ապացույցներ կեղծելը կազմակերպելու համար: