Արձակված 6-րդ գումարման Ազգային ժողովի ՀՅԴ խմբակցության պատգամավոր Սպարտակ Սեյրանյանը շնորհավորել է արտահերթ խորհրդարանական ընտրություններում հաղթողներին: «Ժողովուրդը կատարեց իր ընտրությունը: Շնորհավորում եմ բոլոր քաղաքական ուժերին եւ գործիչներին, որոնք ձեւավորելու են նոր Խորհրդարանը: Մրցակցությունն ավարտվեց: Առջեւում ամենադժվարն է` արդարացնել մարդկանց վստահությունը: Բարի երթ»,- ֆեյսբուքի իր էջում գրել է նա: Հիշեցնենք, որ Հայ հեղափոխական դաշնակցությունը (ՀՅԴ) նույնպես մասնակցում էր ընտրապայքարին, բայց չի հաղթահարել ձայների հինգ տոկոսի շեմը: