Ձեռնպահ կմնամ ժամանակից շուտ որևէ տվյալ ներկայացնել։ Այս մասին լրագրողներին հայտնել է ԿԸՀ նախագահ Տիգրան մուկուչյանը։ Նրա խոսքով՝ ցանկացած գործառույթ պետք է տեղի ունենա այն ընթացակարգով, որը սահմանում է Ընտրական օրենսգիրքը։ Նա նշեց, թե դեռևս հնարավոր է վերահաշվարկի վերաբերյալ դիմումներ լինեն, տարածքային ընտրական հանձնաժողովներում հերթապահություն կիրականացվի։ Խորհրդարանի արտահերթի ընտրության արդյունքների վերջնական ամփոփումը տեղի կունենա քվեարկության ավարտից հետո յոթերորդ օրը։