ՏԵՍԱՆՅՈՒԹ․ Այսօրվանից սկսվելու է «Մերժիր Նիկոլին» շարժումը․ Շարմազանով

Հայաստանի անկախ պետականության պատմության մեջ այս ընտրություններն աննախադեպ էին: Ֆեյսբուքյան իր էջի ուղիղ եթերում այսպիսի կարծիք հայտնեց Հանրապետական կուսակցության անդամ Էդուարդ Շարմազանովը: «Աննախադեպ էին ոչ միայն նրա համար, որ առաջին արտահերթ ընտրություններն էին, այլ նաև արտահերթ էին, որովհետև իշխանությունը, ռեժիմն ամեն ինչ արեց հասարակության մի մասին «սև» անվանելու, «ասֆալտին փռելու», ատելության և թշնամանքի մթնոլորտ քարոզելու, տարածելու համար և ինչու՞ չէ նաև վախի մթնոլորտ տարածելու համար»,- ասաց նա՝ նշելով, որ, այնուամենայնիվ, հասարակության մեջ գտնվեց 60 000 արժանապատիվ, մտահոգ քաղաքացի, որոնք չընկրկեցին ո՛չ վախի մթնոլորտի, ո՛չ ատելության, ո´չ էլ սպառնալիքների առջև՝ ձայն տալով «Հանրապետականին»: Lurer.com-ի հետ զրույցում էլ Շարմազանովը նշել է, որ նոր շարժում է սկսվելու․ «Այն, որ Փաշինյանը ասում էր՝ գուժում է ՀՀԿ-ի քաղաքական մահը, Փաշինյանը սխալվեց, Շարմազանովը ճիշտ դուրս եկավ։ Այսօրվանից սկսվելու է «Մերժիր Նիկոլին» շարժումը, որովհետև 7 ամսա ընթացքում Փաշինյանը ամեն ինչ ձախողել է»։