Նաիրա Զոհրաբյանը մեղադրում է, Հունան Պողոսյանը հերքում, Մուկուչյանն էլ՝ արձանագրում

Երեկ «Բարգավաճ Հայաստան» կուսակցության պատգամավորության թեկնածու Նաիրա Զոհրաբյանը հայտարարություն էր տարածել, որ Սյունիքի մարզպետ Հունան Պողոսյանը ընտրողներին ուղղորդում է, որպեսզի վերջիններս քվեարկեն «Իմ քայլը» դաշինքի օգտին։ «Հայտարարությանը ծանոթ ենք այնքանով, որքանով որ եղել է հրապարակում։ Նաիրա Զոհրաբյանի հայտարարության վերաբերյալ ԿԸՀ դիմում չի ներկայացվել։ Խոսել եմ Նաիրա Զոհրաբյանի հետ, պնդել է այն, ինչի մասին նշված է եղել հայտարարության մեջ», - ասաց Տիգրան Մուկուչյանը։ Կենտրոնական ընտրական հանձնաժողովի նախագահը զրուցել է նաև Սյունիքի մարզպետ Հունան Պողոսյանի հետ։ «Անձամբ եմ կապ հաստատել Սյունիքի մարզպետի հետ։ Վերջինս նշել է, որ նման խնդիր չի եղել, ինքը որևէ համայնքում չի եղել և որևէ ընտրողի չի հանդիպել», - ասաց Տիգրան Մուկուչյանը։