ԿԸՀ-ն ամփոփում է այսօր կայացած արտահերթ խորհրդարանական ընտրությունների արդյունքները: Մշակվել են առաջին 83 ընտրատեղամասերից ստացված տվյալները, և արդեն իսկ հայտնի են ընտրությունների նախնական արդյունքները։ Այս պահի դրությամբ ամենաշատ ձայները հավաքել է Իմ քայլը» դաշինքը՝ 66.82 % ձայներով: Այս տեղամասերում դաշինքի օգտին քվեարկել է 10 500 ընտրող: Թե ինչպես են բաշխվել ընտրողների ձայները, ներկայացնում ենք ստորև. Հայաստանի Հանրապետական կուսակցություն- 575 ընտրող կամ ընտրողների 3.66% «Քաղաքացու որոշում» սոցիալ դեմոկրատական կուսակցություն- 77 ընտրող կամ 0.49% «Հայ Յեղափոխական դաշնակցություն» կուսակցություն-1324 ընտրող կամ 8.43 % «Իմ քայլը» դաշինք- 10 500 ընտրող կամ 66.82 % «Լուսավոր Հայաստան» կուսակցություն- 802 ընտրող, 5.10% «Քրիստոնեա-ժողովրդական վերածնունդ» կուսակցություն 55 ընտրող 0.35 % «Ազգային առաջընթաց» կուսակցություն 45 ընտրող, 0.29 % «Մենք» դաշինք- 273 ընտրող, 1.74 % «Օրինաց երկիր» կուսակցություն- 153 ընտրող, 0.97% «Սասնա Ծռեր» համահայկական կուսակցություն- 233 ընտրող, 1.48 % «Բարգավաճ Հայաստան» կուսակցություն- 1676 ընտրող, 10.67 % Այսօր Հայաստանի Հանրապետությունում խորհրդարանական արտահերթ ընտրություններ են անցկացվել: ԱԺ արտահերթ ընտրություններին մասնակցում է թվով 11 քաղաքական ուժ` 9-ը կուսակցություն և 2 դաշինք: Կուսակցությունների համար անցողիկ շեմ է համարվում 5 տոկոսը, դաշինքների համար` 7-ը: ԱԺ արտահերթ ընտրությունների քվեարկությանը մասնակցել է 1 միլիոն 260 հազար 840 քաղաքացի կամ ընտրողների 48.63 տոկոսը, ինչը 2017 թվականի ընտրություններից շուրջ 314 000-ով պակաս է: