Սաուդյան Արաբիայի գահաժառանգ արքայազնին պատասխանատվությա՞ն կենթարկեն
Ամերիկացի մի շարք սենատորներ պահանջում են պատասխանատվության ենթարկել Սաուդյան Արաբիայի գահաժառանգ արքայազն Մուհամադ բին Սալման ալ Սաուդին՝ սաուդցի ընդդիմադիր լրագրող Ջամալ Խաշոգջիի սպանության հետ կապված:
Նրանք արդեն իսկ Սենատ են ներկայացրել համապատասխան բանաձևի նախագիծ, որի հեղինակները Դեմոկրատական ու Հանրապետական կուսակցությունների ներկայացուցիչներն են։ Փաստաթուղթն ընդունվելու դեպքում օրենքի ուժ չի ունենա, այլ միայն կամրագրի Սենատի ունեցած դիրքորոշումը հարցի վերաբերյալ:
Ավելի վաղ ամերիկացի սենատորները հայտարարել էին, որ The Washington Post-ի սյունակագրի սպանության պատվիրատուն հենց արքայազն Մուհամադ բին Սալմանն է:
