Հակաքարոզչություն են անում. Ծառուկյանն ու Ավետիսյանը ըննդեմ Մարուքյանի
Եթե մի գործարար մտել է ԱԺ, որ իրեն պաշտպանի, նշանակում է՝ մյուսներն անպաշտպան են։ Այս մասին այսօր լրագրողների հետ զրույցում ասաց «Լուսավոր Հայաստանի» կուսակցության նախընտական ցուցակը գլխավորող Էդմոն Մարուքյանը:
Երեկվա եթերից հետո այլանդակ հակաքարոզչություն են սկսել մեր դեմ՝ մի թեւը «Սասնա ծռերը», մյուս թեւը՝ ԲՀԿ-ն: Ուզում են մեր ձայնը լռեցնել, իսկ մեր ձայնը հարյուր հազարավոր մարդկանց ձայնն է: Տարիներ շարունակ ԲՀԿ-ն երկրորդ քաղաքական միավորն է, մեկը կարո՞ղ է բացատրել նրանց այդ տեղում լինելու հիմնավորումը: Ի՞նչ է արել, ջո՞ւր է ուղարկել հեղափոխությանը: Մարդիկ Սերժ Սարգսյանին են ընտրել, այսօր հեղափոխությունից են խոսում, ինձ էլ ասում են՝ բայց դու չմասնակցեցիր:
Երեկվա բանավեճը վախվորած էր, որովհետեւ մարդիկ վախենում էիր անուններ տալ: Ասում եին՝ նախկին կոալիցիոն գործընկերները: Մարդիկ դեմներդ կանգնած են, դուխ չունե՞ք ասեք: Մարդիկ փող են դնում, որ ֆեյսբուքում մեր դեմ քարոզչություն անեն»,-հայտարարեց Մարուքյանը:
Հիշեցնենք, որ երեկ Հանրային հեռուստաընկերության եթերում ԱԺ ընտրություններին մասնակցող ուժերի առաջին դեմքերի մասնակցությամբ բանավեճ է կայացել, որի ընթացքում Մարուքյանը Ծառուկյաից հետաքրքրվեց, թե ինչի՞ համար է մասնակցում ԱԺ ընտրություններին, Վարուժան Ավետիսյանի էլ մեղադրեց ոստիկանների սպանության մեջ։
