Նա մեղադրում է մեզ ինչ-ինչ ուժերի հետ միասին ընդդեմ Արցախի և ընդեմ Հայաստանի ու հայ ժողովրդի դավադրություն կազմակերպելու մեջ։ Այ Էմ Ջի ՓԲԸ֊ի ֆինանսավորմամբ տեխնիկայի գործարանի բացման ժամանակ այս մասին ասաց Նիկոլ Փաշինյանը՝ անդրադառնալով Դավիթ Շահնազարյանի հայտարարություններին։ Վարչապետն ընդգծեց, որ այս հայտարարություններից հետո ԱԱԾ-ն պետք է նյութեր նախապատրաստի, ու եթե պարզվի, որ հեղափոխությունն այդպես է տեղի ունեցել, ապա դավադիրները պետք է հայտնաբերվեն ու պատասխանատվության ենթարկվեն: «Սա պետական դավաճանության մասին հայտարարություն է: Եթե որևէ մեկը բարձրաձայնում է պետական դավաճանության մասին և չի գնում իրավապահներին հաղորդում տալու հանցագործության մասին, ուրեմն նա շառլատան է», - նշեց նա: