ԱԺ-ում քվորում չկա․ ՀՀԿ–ական պատգամավորը մնում է անձեռնմխելի

Ազգային ժողովում մեկնարկել է հերթական նիստը, ԱԺ նախագահ Արա Բաբլոյանը հորդորեց պատգամավորներին սպասել 4 ժամ, քանի որ նիստին ներկա է ընդամենը 11 պատգամավոր և կրկին քվորում չկա։ Հիշեցնենք, որ նստաշրջանի օրակարգում ներառված է կաշառքի ու փողերի լվացման մեջ մեղադրվող ԱԺ ՀՀԿ խմբակցության պատգամավոր Արամ Հարությունյանին պատգամավորական անձեռնմխելիությունից զրկելու հարցի քննարկումը։ ՀՀ գլխավոր դատախազությունը դեկտեմբերի 3-ին հայտարարել էր, որ կաշառքի ու փողերի լվացման փաստով հարուցված քրեական գործով մեղադրանք է ներկայացվել ԱԺ ՀՀԿ խմբակցության պատգամավոր, նախկին բնապահպանության նախարար Արամ Հարությունյանին։ Գլխավոր դատախազը դիմել էր ԱԺ նախագահին` Արամ Հարությունյանին անձեռնմխելիությունից զրկելու հարցով ԱԺ արտահերթ նիստ հրավիրելու միջնորդությամբ: