Ես ԱԱԾ- ով մեզ եմ սպառնում։ Այս մասին «Իմ քայլը» դաշինքի քարոզարշավի ընթացքում, լրագրողների հետ զրույցում ասաց ՀՀ վարչապետի պաշտոնակատար Նիկոլ Փաշինյանը՝ անդրադառնալով Վիգեն Սարգսյանը հայտարարությանը, թե Նիկոլ Փաշինյանը պատգամավորության թեկնածուներին ԱԱԾ-ով է սպառնում։ «Ընդհակառակը, ես մեզ եմ ԱԱԾ-ով սպառնում, քանի որ մեզ մեղադրում են, որ մենք Արցախի հարցում դավադրությունների մեջ ենք, թող ԱԱԾ-ն նրանց կանչի, պարզի և միջոցներ ձեռնարկի մեր նկատմամբ, բայց եթե պարզվի՝ սուտ է, ուրեմն այդ մարդիկ ստախոս են, ընդ որում՝ էժանագին»,-ասաց նա։ Վարչապետի պաշտոնակատարն նշեց, որ երեկոյան մեկնում է Սանկտ Պետերբուրգ՝ մասնակցելու ԵԱՏՄ բարձրագույն տնտեսական խորհրդի նիստին, որի շրջանակում կլինեն նաև ոչ ֆորմալ շփումներ: Փաշինյանը նշեց, որ Պուտինի հետ հնարավոր է քննարկվի նաև գազի գնի հարցը՝ ընդգծելով, որ այդ առումով կառավարության ցանկությունը պարզ է, մնում է համաձայնության գալ ՌԴ նախագահի հետ: