Իսրայելը հետաձգեց Հայոց ցեղասպանության ճանաչման քվեարկությունը

Իսրայելի կառավարությունը հետաձգել է Հայոց ցեղասպանությունը ճանաչող բանաձևի վերաբերյալ խորհրդարանական քվեարկությունը: Այս մասին հայտնում է JNS-ը՝ վկայակոչելով անանուն իսրայելցի պաշտոնյայի:

Շաբաթվա վերջին Քնեսեթը կմեկնի ամառային արձակուրդ և նիստ չի գումարի մինչև հոկտեմբերի 27-ի ազգային ընտրությունները:

Այսպիսով՝ Հայոց ցեղասպանության ճանաչման հարցը կարող է քննարկվել արդեն խորհրդարանի նոր կազմի կողմից:

Իսրայելի արտաքին գործերի նախարար Գիդեոն Սաարի մամուլի քարտուղարը, որն անցյալ ամիս նախարարների կաբինետում Հայոց ցեղասպանության ճանաչման առաջարկ էր ներկայացրել, չի պատասխանել լրագրողների զանգերին եւ հաղորդագրություններին՝ խնդրելով մեկնաբանել իրավիճակը:

Ավելի վաղ նախաձեռնության առաջմղման մասին որոշումը հավանության էր արժանացել Իսրայելի կառավարության կողմից, իսկ ինքը՝ Սաարը հայտարարել էր, որ Հայոց ցեղասպանության ճանաչումը՝ բարոյական և պատմական պարտականություն է՛՛:

Հունիսի 28-ին Իսրայելի կառավարությունը միաձայն հավանություն է տվել Բանաձևը խորհրդարանի հաստատմանը ուղարկելուն:

Հաղորդագրություններում նշվում էր, որ Իսրայելը կարող է դառնալ Հայոց ցեղասպանությունը պաշտոնապես ճանաչած 35-րդ երկիրը: