10:00 Լուրերը մեկ տողով. Քաղաքական անակնկալներ, միջազգային լարվածություն և ֆուտբոլային սկանդալներ

Անցած ժամվա լուրերը՝ հակիրճ և բովանդակային.

·  Դավիթ Խաժակյանը հայտարարել է, որ ավարտում է իր առաքելությունը «Լուսավոր Հայաստան» կուսակցությունում՝ նշելով, որ հեռանում է քաղաքական այդ փուլից՝ նոր ճանապարհ սկսելու նպատակով։

· Մարիա Զախարովան հայտարարել է, որ Ռուսաստանն ու Հայաստանը կապված են առանձնահատուկ պատմական, մշակութային և տնտեսական հարաբերություններով, որոնք, ըստ նրա, հիմնված են նաև ժողովուրդների փոխադարձ վստահության վրա։ 

· Իլհամ Ալիևը հայտնել է, որ Ադրբեջանի տարածքով Հայաստան է տեղափոխվել ավելի քան 40 հազար տոննա բեռ, ինչպես նաև Ադրբեջանը սկսել է Հայաստանին նավթամթերք մատակարարել։ 

·Իսպանիայի նախկին վարչապետ Մարիանո Ռախոյի հայտարարությունը Ֆրանսիայի հավաքականի մասին միջազգային քննադատության ալիք է բարձրացրել՝ արժանանալով ռասիզմի և այլատյացության մեղադրանքների։ 

· Ֆրանսիայի իշխանությունները աշխարհի առաջնության կիսաեզրափակչի և Բաստիլի օրվա միջոցառումների անվտանգությունն ապահովելու համար երկրով մեկ կտեղակայեն շուրջ 70 հազար ոստիկան և ժանդարմ։ 

· Իրանը հայտարարել է, որ ԱՄՆ-ի կողմից պայմանավորվածությունների շարունակական խախտումների դեպքում կարող է դադարեցնել համաձայնագրով ստանձնած պարտավորությունների կատարումը։