ԱՄՆ-ը նոր հարվածների շարք է հասցրել Իրանի օբյեկտներին

ԱՄՆ-ը նոր հարվածների շարք է հասցրել Իրանի օբյեկտներին:

Press TV-ի տվյալներով՝ պայթյուններ են լսվել Բուշերում և Ասալույեում։ Ավելի ուշ Mehr գործակալությունը հայտնել է Քեշմ կղզում, նաև Բանդար Աբասում, Սիրիկում և Չաբահարում տեղի ունեցած պայթյունների մասին։

ԱՄՆ զինված ուժերի Կենտրոնական հրամանատարությունը (CENTCOM) հաստատել է Իրանի տարածքին նոր հարվածներ հասցնելու մասին տեղեկությունները: 

Axios-ի լրագրողի տեղեկություններով՝ հղում անելով աղբյուրին, թիրախ են դարձել հակաօդային պաշտպանության համակարգերը, ռադարային կայանները, ինչպես նաև հրթիռների ու անօդաչու թռչող սարքերի պահպանման և արձակման վայրերը։ Հարվածները հասցվում են ի պատասխան Իսլամական հեղափոխության պահապանների կորպուսի (ԻՀՊԿ) կողմից Հորմուզի նեղուցում նավի գնդակոծմանը։