19:00 Լուրերը մեկ տողով. Գայլերի հարձակում, նոր հայտարարություններ, դատարանների թեժ զարգացումներ

Անցած ժամվա լուրերը՝ հակիրճ և բովանդակային.

•Գորիսի Քարահունջ գյուղում գայլերի հարձակման հետևանքով վեց մարդ մարմնական վնասվածքներով տեղափոխվել է Գորիսի բժշկական կենտրոն։ 

• Նիկոլ Փաշինյանի գլխավորությամբ քննարկվել է եկամուտների հայտարարագրման համակարգով ՔՀԿ-ներին, ԶԼՄ-ներին և կուսակցություններին թափանցիկ նվիրատվությունների նոր մեխանիզմի ներդրումը։ 

• ՆԳՆ-ն հերքել է տեղեկությունը, թե Գագիկ Ծառուկյանի առանձնատնից կոկորդիլոսների տեղափոխման ժամանակ փրկարար է տուժել՝ նշելով, որ միայն քաղաքապետարանի աշխատակիցը թեթև վնասվածք է ստացել։ 

• Հայաստանի բռնցքամարտի ֆեդերացիան հայտարարությամբ աջակցություն է հայտնել կալանավորված Գագիկ Ծառուկյանին և նրա ընտանիքին։ 

• Սամվել Կարապետյանի գործով մեղադրողը դատարանից պահանջել է ևս երեք ամսով երկարաձգել նրա տնային կալանքը՝ վկաների չհարցաքննվելու և հնարավոր ռիսկերի հիմքով։ 

• Սամվել Կարապետյանի պաշտպանական կողմը պահանջել է փոխել խափանման միջոցը՝ պնդելով, որ երկարատև տնային կալանքը կորցրել է իր իրավական հիմնավորումը։ 

• Լիբանանի նախագահ Ջոզեֆ Աունը կոչ է արել Իսրայելին դադարեցնել ռազմական գործողությունները և հայտարարել, որ Թրամփից կխնդրի նպաստել իսրայելական զորքերի դուրսբերմանը։ 

• Ֆլորիդայում ուժի մեջ է մտել որոշումը, որով Փալմ Բիչի միջազգային օդանավակայանը պաշտոնապես անվանվել է նախագահ Դոնալդ Ջ. Թրամփի անունով։