ԻՀՊԿ-ն հարվածներ է հասցրել Բահրեյնում և Քուվեյթում գտնվող թիրախներին՝ ի պատասխան ԱՄՆ հարձակումների

Իրանի ուժերը հարձակվել են Քուվեյթում և Բահրեյնում գտնվող ամերիկյան բազաների վրա՝ ի պատասխան ԱՄՆ հարվածների, ասվում է Իսլամական հեղափոխության պահապանների կորպուսի (ԻՀՊԿ) հայտարարության մեջ, որին հղում է անում Fars լրատվական գործակալությունը։

«Ագրեսիային նախնական պատասխանի համար ԻՀՊԿ-ի ռազմածովային և ավիատիեզերական ուժերը համատեղ գործողության շրջանակներում անօդաչու թռչող սարքերի և հրթիռների միջոցով հարձակվել են Բահրեյնում ԱՄՆ ռազմածովային ուժերի 5-րդ նավատորմի մաս կազմող Սալման նավահանգստում և Քուվեյթի Ալի ալ-Սալեմ ավիաբազայում գտնվող 85 կարևոր ամերիկյան ռազմական օբյեկտների վրա և խոցել թշնամու MQ-9 անօդաչու թռչող սարք», - հայտարարել է ԻՀՊԿ-ն։