ՏԵՍԱՆՅՈՒԹ․ Անդրանիկ Թևանյանի աջակիցները բողոքի ակցիա են իրականացրել

Անդրանիկ Թևանյանի աջակիցները նրան ազատ արձակելու պահանջով բողոքի ակցիա են իրականացրել դատախազության և ՄԻՊ գրասենյակի մոտ՝ նշելով, որ նա քաղբանտարկյալ է։

«Միայն ՔՊ–ական փոքրիկ խմբակն է փորձում իմիտացիա ստեղծել, թե քրեական գործի հիմքում ինչ-որ բան կա, որով կարելի է մեղադրել Անդրանիկ Թևանյանին։ Բազմաթիվ մասնագետներ` իրավաբաններ, այս ընթացքում արձանագրել են, որ Թևանյանի դեմ հարուցված քրեական գործը ջուր է ու տակը որևէ հիմք չկա»,– ասաց Մայր Հայաստան կուսակցության Դերենիկ Մալխասյանը։ 

Հավաքվածները հայտարարեցին, որ իրավական դաշտում Թևանյանի դեմ հարուցված քրեական գործը տապալվելու է, իսկ մինչ դատարանի որոշումը նրա անունն արատավորելու փորձերը ստանալու են իրավական գնահատական։