Ովքե՞ր են առաջատարաները ԱԱ 2026-ում

Աշխարհի 2026 թվականի առաջնության 11-րդ խաղային օրը կայացել են հերթական հանդիպումները, որոնց շրջանակում Իսպանիան 4-0 հաշվով ջախջախել է Սաուդյան Արաբիային, Բելգիան և Իրանը խաղացել են 0-0, Ուրուգվայն ու Կաբո Վերդեն գրանցել են 2-2 հաշիվը, իսկ Եգիպտոսը 3-1 հաշվով կամային հաղթանակ է տոնել Նոր Զելանդիայի նկատմամբ։

Մրցաշարի ռմբարկուների ցուցակը ներկայումս գլխավորում են երեք ֆուտբոլիստներ՝ Արգենտինայի ընտրանու ավագ Լիոնել Մեսսին, Կանադայի հավաքականի հարձակվող Ջոնաթան Դևիդը և Գերմանիայի ազգային թիմի հարձակվող Դենիզ Ունդավը, որոնցից յուրաքանչյուրը խփել է 3 գոլ։ Երկուական գնդակ հեղինակած խաղացողները հանգրվանել են 4-ից 22-րդ հորիզոնականներում։

ԱԱ-2026-ի խմբային փուլի խաղերը նախատեսված են հունիսի 11-ից 27-ը, որտեղ թիմերը մրցելու են շրջանաձև համակարգով՝ անցկացնելով 3-ական հանդիպում։ Հաջորդ փուլ կանցնեն խմբերում առաջին երկու տեղերը գրաված հավաքականները և երրորդ հորիզոնականը զբաղեցրած լավագույն 8 թիմերը։ Մրցաշարի ընթացքում ընդհանուր առմամբ խաղարկվելու է 104 հանդիպում, ինչն աշխարհի առաջնությունների պատմության համար ռեկորդային ցուցանիշ է։