Տուվայում տղամարդը հարձակվել է մանկական ճամբարի վրա

Իրավապահ մարմիններից ՏԱՍՍ-ին հայտնել են, որ Ռուսաստանի Դաշնության կազմում գտնվող Տուվայի Հանրապետությունում տղամարդու հարձակման հետևանքով ամառային ճամբարում մի քանի երեխա է տուժել։

«Մասնաշենքում եղել է մոտ 30 մարդ։ Նախնական տվյալներով՝ տուժել է 13 հոգի»,- հայտնել է գործակալության զրուցակիցը։

Ինչպես ավելի վաղ հաղորդվում էր, հունիսի 21-ի գիշերը 2001 թվականին ծնված ալկոհոլ օգտագործած երիտասարդը մուտք է գործել Չագիտայ լճի մոտակայքում գտնվող «Օռլյոնոկ» մանկական ճամբարի տարածք։ Այնտեղ նա ջարդել է կահույքը և մարմնական վնասվածքներ հասցրել մի քանի երեխայի։ Ճամբարի աշխատակիցները վնասազերծել են չարագործին ու հանձնել տեղ ժամանած ոստիկաններին։ Հարուցված է քրեական գործ։