Շվեյցարիայում ԱՄՆ-ի հետ բանակցությունները կտևեն մեկ օր․ Իրանի ԱԳՆ

Իրանի պատվիրակությունը հունիսի 21-ին Շվեյցարիայում նախատեսում է անցկացնել բանակցային երկու փուլ։

Առաջին փուլի ընթացքում հանդիպումներ կլինեն միջնորդ պետությունների ներկայացուցիչների հետ, իսկ երկրորդը կդառնա քառակողմ քննարկում՝ Ամերիկայի Միացյալ Նահանգների ներգրավմամբ։ Այս տեղեկությունը փոխանցել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային, հայտնում է ՏԱՍՍ-ը։

«Առավոտյան տեղի կունենան երկկողմ հանդիպումներ Պակիստանի և Կատարի պատվիրակությունների հետ, որոնք հանդես են գալիս որպես միջնորդներ այս գործընթացում։ Ավելի ուշ՝ օրվա երկրորդ կեսին, կկայանան քառակողմ հանդիպումներ Իրանի Իսլամական Հանրապետության և ԱՄՆ պատվիրակությունների միջև՝ Կատարի և Պակիստանի ներկայացուցիչների մասնակցությամբ»,- IRNA գործակալությանը տված հարցազրույցում նշել է նա։

Մինչ այս Շվեյցարիայի արտաքին գործերի նախարարությունը հաստատել էր, որ Միացյալ Նահանգների ու Իրանի պատվիրակությունները, ինչպես նաև Կատարն ու Պակիստանը ներկայացնող միջնորդները ժամանել են բանակցությունների վայր՝ շվեյցարական Բյուրգենշտոկ։