ԵՄ-ն չի պատրաստվում միջնորդել Ուկրաինայի հարցում

Եվրամիությունը ներկայումս չի հանդիսանում ուկրաինական ճգնաժամի կարգավորման միջնորդ և ապագայում ևս նման նպատակ չի դնում իր առջև։ Այս մասին հայտարարել է Եվրոպական խորհրդի նախագահ Անտոնիու Կոշտան՝ ԵՄ գագաթնաժողովի ավարտից հետո։

«ԵՄ-ն միջնորդ չէ և մտադիր էլ չէ դառնալ: ԵՄ-ն Ուկրաինայի կողմում է», – ասել է նա։

Կոշտան նշել է, որ Եվրամիությունը չի հրաժարվի Կիևին աջակցելուց նույնիսկ ճգնաժամի ավարտից հետո։ Միևնույն ժամանակ նա ընդգծել է, որ անհրաժեշտ է պահպանել Եվրամիության և Ռուսաստանի միջև շփումները։

«Իմ գրասենյակի աշխատանքի միջոցով մենք պետք է ստեղծենք դիվանագիտական կապուղի, որպեսզի կարողանանք մեր ուղերձներն անմիջականորեն փոխանցել Ռուսաստանին», – հայտարարել է Եվրոպական խորհրդի նախագահը։