Ռոբերտ Լևանդովսկին կարող է կարիերան շարունակել MLS-ում

Հայտնի ինսայդեր Ֆաբրիցիո Ռոմանոյի հաղորդմամբ՝ ԱՄՆ-ում 37-ամյա ֆուտբոլիստի ներկայացուցիչը հանդիպում կունենա MLS-ը ներկայացնող «Չիկագո Ֆայեր» ակումբի հետ, որտեղ հարձակվողին հնարավորություն է տրվել ինքնուրույն որոշել պայմանագրի կնքման ժամկետը՝ երկու կամ երեք տարի։ 

Աղբյուրի համաձայն՝ լեհ ֆուտբոլիստը հավանական տեղափոխության վերաբերյալ դեռևս ոչ մեկին վերջնական խոստում չի տվել։ Հիշեցնենք, որ հունիսի 30-ին լրանում է Լևանդովսկիի գործող պայմանագրի ժամկետը կատալոնական «Բարսելոնայի» հետ։ Նախորդ մրցաշրջանում հարձակվողը կատալոնացիների կազմում ընդհանուր առմամբ մասնակցել է 46 հանդիպման՝ դառնալով 19 գոլի և 4 արդյունավետ փոխանցման հեղինակ։