Իրանը և ԱՄՆ–ն մտնում են վճռորոշ փուլ, ինչ է սպասվում

ԱՄՆ-ի հետ բանակցությունները նախատեսված են երկու փուլով։ Այդ մասին հայտարարել է Իրանի ԱԳ նախարար Աբբաս Արաղչին՝ հստակեցնելով.

«Առաջին փուլում կողմերը պետք է համաձայնեցնեն փոխըմբռնման հուշագիրը։ Իրանի միջուկային ծրագրին և պատժամիջոցների վերացմանը վերաբերող հարցերը տեղափոխվել են երկրորդ փուլ, որի համար նախատեսված է 60-օրյա ժամկետ։ Առաջին անգամ վերջին 47 տարիների ընթացքում ԱՄՆ-ը հարգանք է ցուցաբերում Իրանի ինքնիշխանության նկատմամբ», մասնավորապես հայտարարել է Աբբաս Արաղչին:

Իրանի արտաքին գործերի նախարար Աբբաս Արաղչին հայտարարել է նաև, որ Իսլամական Հանրապետությունն ու ԱՄՆ-ն երբևէ այսքան մոտ չեն եղել համաձայնագրի ստորագրմանը, և ամենայն հավանականությամբ այն կստորագրվի Իսլամաբադում։