12:00 Լուրերը մեկ տողով. Ընտրությունների չեղարկված արդյունքներ, բնակարանի խուզարկություն, Պենտագոնի գաղտնի պլաններ

Անցած ժամվա լուրերը՝ հակիրճ և բովանդակային.

• Հունիսի 14-ին Կենտրոնական ընտրական հանձնաժողովը կորոշի երկու ընտրատեղամասերում հնարավոր վերաքվեարկություն անցկացնելու հարցը:

• «Բարգավաճ Հայաստան» կուսակցության առաջնորդը հայտարարել է ընտրությունների ընթացքում իրենց նկատմամբ կիրառված ճնշումների և քվեները իրավական ճանապարհով պաշտպանելու մասին:

• ԲՀԿ-ից պատգամավորության թեկնածու Արեգնազ Մանուկյանի բնակարանում իրավապահները խուզարկություն են իրականացրել, ինչից հետո նա հրավիրվել է հարցաքննության։

• «Ուժեղ Հայաստան» դաշինքը դիմել է ԿԸՀ՝ նշելով, որ այս ընտրությունների վերաբերյալ միջազգային կառույցների գնահատականներն ավելի վատն են, քան 2021 թվականին:

• Քրեակատարողական ծառայությունը հերքել է մամուլի այն հրապարակումը, թե ընտրությունների գիշերը կալանավորներ են ծեծի ենթարկվել:

• Երևանի քաղաքապետ Տիգրան Ավինյանը հայտարարել է, որ մայրաքաղաքի ճանապարհներին եղանակային պայմանների պատճառով առաջացած խնդիրների մեծ մասն արդեն լուծված է։

• ՏԿԵ նախարար Դավիթ Խուդաթյանը ներկայացրել է Սյունիքի մարզի վնասված ճանապարհահատվածների վերանորոգման ընթացիկ և առաջիկա ծրագրերը։

• Հարավային Կորեայի դատարանը երկրի նախկին նախագահին դատապարտել է 30 տարվա ազատազրկման՝ ռազմական դրություն մտցնելու նպատակով սադրանք կազմակերպելու համար:

• Միացյալ Նահանգները ծրագրում է զգալիորեն կրճատել Եվրոպայում ՆԱՏՕ-ի գործողությունների համար տրամադրվող կործանիչների, ինքնաթիռների և նավերի քանակը: