Ամեն ինչ ավարտված չէ․ Ագնեսա Խամոյան

 «Հայաստան» դաշինքի պատգամավոր Ագնեսա Խամոյանը տեղաուղերձ է հղել.

«Խոսքս ուզում եմ հղել շուրջ 150 000 մեր այն ընտրողներին, ովքեր իրենց ձայնը տվել են Հայաստան դաշինքին: Շնորհակալ ենք ձեզ, շնորհակալ ենք, որ չնայած նրան, որ այս տարիների ընթացքում ահռելի քանակությամբ հակաքարոզչություն է իրականացվել մեր նկատմամբ և անձամբ նախագահ Ռոբերտ Քոչարյանի նկատմամբ, և ոչ միայն իշխանական հայտնի ՊՈԱԿ–ի կողմից, այլ նաև իրենց ընդդիմադիր հռչակած այսպես կոչված ուժերի և անհատների կողմից, չնայած դրան դուք չեք տրվել այդ զազրախոսությանը, չեք տրվել այդ խոսույթին, չեք մանիպուլացվել, շարունակել եք հավատալ մեզ, և մենք միասին շարունակում ենք մեր ճանապարհը: 

Կենտրոնական ընտրական հանձնաժողովը շարունակում է հաշվարկը, վաղը ավարտվելու է, արդեն ամսի 14-ին հրապարակվելու են ընտրությունների արդյունքները: Այս պահին քաղաքական ուժերը գտնվում են կոնսուլտացիաների փուլում, որովհետև շատ կարևոր է՝ միասնական ճակատով շարժվել, առաջ գնալ և փորձել հասնել մեր նպատակներին»,– մասնավորապես նշել է նա:
 
 Մանրամասները՝ տեսանյութում: