Պետական մարմինների բաց աղբյուրների ուսումնասիրությամբ վերհանվել է 846 հասցե, որոնցից մեկի վրա գրանցված է եղել մինչև 303 մարդ. Մելոյան

«Ուժեղ Հայաստանի» պատգամավորի թեկնածու Գոհար Մելոյանն ասուլիսի ժամանակ հայտնեց, որ օրինակ՝ հասցեներից մեկում գրանցված է 174 մարդ, մյուսում՝ 183, անգամ՝ 302, և այսպես շարունակ: 

Նա նշեց, որ ստացել են նաև բազմաթիվ ահազանգեր այն մասին, որ քաղաքացիների բնակարաններում իրենց անծանոթ անձինք են քվեարկած եղել, ինչի արդյունքում ահռելի թվաքանակ է գոյանում, սակայն այս ամենի վերաբերյալ ոչ մի պատշաճ մեկնաբանություն չի տրվել:

Մելոյանն արձանագրեց նաև, որ մարդիկ ընտրատեղամաս են ներկայացել ծոցագրպանում 16 համարի քվեաթերթիկով: Բացի այդ, ըստ թեկնածուի, բազմաթիվ արցախցիներ, որոնք արդեն ստացել էին ՀՀ քաղաքացիություն և հաշվառված էին, ընտրատեղամասերում պարզել են, որ հանված են հաշվառման ցուցակներից, իսկ ոստիկանության անձնագրային բաժինը հրաժարվել է աջակցել, ինչի հետևանքով այդ մարդիկ զրկվել են ընտրության իրավունքից։