Մահաբեր հրդեհ Հնդկաստանի մետալուրգիական գործարանում․ առնվազն 8 զոհ կա

Հնդկաստանի հարավ-արևելքում գտնվող Անդհրա Պրադեշ նահանգի Վիշակհապատնամ քաղաքում գործող մետալուրգիական կոմբինատի կոնվերտորային արտադրամասում հրդեհ է բռնկվել։ Դեպքի հետևանքով զոհվել է առնվազն ութ աշխատակից, ևս մի քանի մարդ վիրավորվել է։

The Times of India թերթի հաղորդմամբ՝ հրդեհը սկսվել է շիկացած հալված մետաղով լցված շերեփի ընկնելուց հետո։ Տուժածներից մի քանիսը մարմնի մակերեսի մինչև 70 տոկոսի այրվածքներ են ստացել և տեղափոխվել բուժհաստատություններ։

Հնդկաստանի վարչապետ Նարենդրա Մոդին ցավակցություն է հայտնել ձեռնարկությունում տեղի ունեցած վթարի և հրդեհի հետևանքով զոհվածների ու տուժածների հարազատներին։ Համապատասխան հայտարարությունը նա հրապարակել է X սոցիալական հարթակում։

Տեսանյութը՝ հղմամբ: