ԱՄՆ-ն օգնել է Իսրայելին խոցել Իրանի արձակած հրթիռները. Al Monitor

Մերձավոր Արևելքում տեղակայված ամերիկյան ռազմական ստորաբաժանումները կիրառել են հակահրթիռային համակարգեր՝ Իսրայելի ուղղությամբ Իրանի արձակած բալիստիկ հրթիռների համազարկը հետ մղելու համար։ Ամերիկացի պաշտոնյան հաստատել է, որ այդ գործողություններն իրականացվել են «ինքնապաշտպանության շրջանակում», նշում է պարբերականը։

Ներկայում ԱՄՆ բանակը գնահատում է հրթիռների խոցման գործողության արդյունավետությունը։ Այս պահին Իսրայելի տարածքում տեղակայված են հարյուրավոր ամերիկացի զինծառայողներ։

Միևնույն ժամանակ, CBS News-ը, հղում անելով ամերիկացի պաշտոնյային, ավելի վաղ հայտնել էր, որ ԱՄՆ զինված ուժերը չեն մասնակցել Իրանի դեմ Իսրայելի հարվածներին։ Բացի այդ, նշվում է, որ Դոնալդ Թրամփի վարչակազմը չի տվել որևէ հրաման՝ ԱՄՆ-ի կողմից պաշտպանական գործողություններ իրականացնելու՝ Իսրայելը իրանական հրթիռներից պաշտպանելու նպատակով։