ՌԴ-ի հետ դարավոր կապերի խզումից կտուժեն այդ երկրների բնակիչները․ հերթական սպառնալիքը Մոսկվայից

Հայկական իշխանությունները հայտնվել են ռուսատյաց ուժերի ազդեցության տակ, որոնք, ցավոք, իշխում են Եվրամիությունում և ՆԱՏՕ-ում, այս մասին ասել է  ՌԴ ԱԳ փոխնախարար Միխայիլ  Գալուզին։

«Մոլդովայի և Հայաստանի էլիտաները, ընդհանուր առմամբ, մինչև վերջ չեն հաշվարկում ԵՄ-ի և ՆԱՏՕ-ի օգտին նման կարճատես և կողմնակալ քաղաքականության բոլոր հետևանքները»,- ասել է ՌԴ ԱԳ փոխնախարարը:

«Ընդ որում, պետք է հասկանալ, որ Ռուսաստանի հետ այս և նախկին մյուս երկրների դարավոր կապերի խզումից առաջին հերթին կտուժեն այդ երկրների բնակիչները։  Կկոտրվեն, ինչպես դա արդեն տեղի է ունենում Մոլդովայի հետ, օրինակ, ավանդական փոխշահավետ տնտեսական և տրանսպորտային-լոգիստիկ կապերը» ,- եզրափակել է ՌԴ ԱԳ փոխնախարարը: