11:00 Լուրերը մեկ տողով. Ռեկորդային շոգերի կանխատեսում. ԱՄՆ-ը հերքում է օդանավի խոցումը

Անցած ժամվա լուրերը՝ հակիրճ և բովանդակային.

•Ազգային ժողովի հերթական նիստը քվորումի բացակայության պատճառով ժամը 10-ի դրությամբ չի մեկնարկել, և պատգամավորների գրանցման գործընթացը երկարաձգվել է:

•Կոռուպցիայի կանխարգելման հանձնաժողովը հրապարակել է ընտրություններին մասնակցող ուժերի ֆինանսական միջոցների շարժը, որտեղ ամենախոշոր շրջանառությունն ունի «Քաղաքացիական պայմանագիր» կուսակցությունը:

•«Ռոս-կաչեստվոյի» ստուգումների արդյունքում ռուսական շուկայում հայտնաբերվել են որակի չափանիշներին չհամապատասխանող և կեղծման նշաններ ունեցող շշալցված գինիներ:

•ԱՄՆ ֆինանսների նախարարությունն ընդլայնել է Իրանի դեմ պատժամիջոցները՝ ստվերային նավթային առևտրի պատճառով սև ցուցակում ներառելով 16 իրավաբանական անձ և 8 տանկեր:

•ԱՄՆ զինված ուժերի կենտրոնական հրամանատարությունը պաշտոնապես հերքել է իրանական կողմի տարածած տեղեկատվությունն ամերիկյան օդանավ խոցելու վերաբերյալ:

•Իսրայելի և Լիբանանի զինվորական ներկայացուցիչները Պենտագոնում սկսում են բանակցություններ, որոնց նպատակը լայնածավալ զինադադարի համաձայնագրի կնքումն է:

•Համաշխարհային օդերևութաբանական կազմակերպության զեկույցի համաձայն՝ 2026-2030 թվականներին Երկրի միջին ջերմաստիճանը կհասնի ռեկորդային շոգ ցուցանիշների: