10:00 Լուրերը մեկ տողով. Հզոր պայթյուն՝ ԱՄՆ-ում. ԱԹՍ-ների հարձակումներ

Անցած ժամվա լուրերը՝ հակիրճ և բովանդակային.

•Հայաստանի տարածքում ավտոճանապարհները հիմնականում անցանելի են, իսկ Ստեփանծմինդա-Լարս խճուղին բաց է բոլոր տեսակի տրանսպորտային միջոցների համար:

•Ռուսաստանում տեխնիկական խախտումների պատճառով արգելք կսահմանվի հայկական «Ջերմուկ» հանքային ջրի ևս 64,5 միլիոն շշի վաճառքի նկատմամբ:

•Գյումրեցի եղբայրներ Կարեն և Կարուշ Հովեյանները նախաքննության փուլում ամբողջությամբ արդարացվել են զանգվածային անկարգությունների մեղադրանքից:

•Հունգարիան հրաժարվել է զենք և ռազմական տեխնիկա ուղարկել Ուկրաինա՝ ՆԱՏՕ-ի գլխավոր քարտուղարի հետ ունեցած հանդիպման արդյունքներով:

•Վոլգոգրադի մարզում ուկրաինական ԱԹՍ-ի հարվածից գործարանի աշխատակից է զոհվել, իսկ Ռոստովի մարզում հայտարարվել է 80-ից ավելի անօդաչուի ոչնչացման մասին:

•ԱՄՆ նախագահ Դոնալդ Թրամփը հայտարարել է, որ Իրանի դեմ ռազմական գործողությունների վերսկսման հիմք կդառնա Վաշինգտոնին անբարենպաստ պայմանագիր պարտադրելը:

•ԱՄՆ ֆինանսների նախարարությունը մշակում է երկրի 250-ամյակին նվիրված հատուկ հոբելյանական թղթադրամ՝ գործող նախագահ Դոնալդ Թրամփի պատկերով:

•«Blue Origin» ընկերության New Glenn հրթիռը Ֆլորիդայում փորձարկումների ժամանակ հզոր պայթյուն է ունեցել, տուժածներ չկան: