16:00 Լուրերը մեկ տողով. Ռուբիոն Երևանում է, երկկողմ փաստաթղթեր են ստորագրվելու

Անցած ժամվա լուրերը՝ հակիրճ և բովանդակային.

 • ԱՄՆ պետքարտուղար Մարկո Ռուբիոն ժամանել է Երևան․ «Զվարթնոցում» նրան դիմավորել է ԱԳ նախարար Արարատ Միրզոյանը։ Կողմերը սկսել են պաշտոնական հանդիպումը, նախատեսված են հայտարարություններ, փաստաթղթերի ստորագրում և ասուլիս։

• Նիկոլ Փաշինյանը հայտարարել է, որ մայիսի 28-ի զորահանդեսին հայկական բանակը կներկայանա նոր դաշտային և տոնական համազգեստով։ Վարչապետի խոսքով՝ 2026 թվականի Հանրապետության օրը լինելու է առանձնահատուկ։

• Անվտանգության խորհրդի քարտուղար Արմեն Գրիգորյանը հայտնել է, որ շարունակվում են բանակցությունները Երասխի և Ախուրիկի երկաթուղային ենթակառուցվածքների վերականգնման շուրջ։ Նրա խոսքով՝ Հայաստանը նաև սեփական միջոցներով է իրականացնելու ենթակառուցվածքների արդիականացումը։

• ՌԴ ԱԳՆ խոսնակ Մարիա Զախարովան հայտարարել է, որ Ռուսաստանը նպատակ ունի զարգացնել հարաբերությունները Հայաստանի հետ։ Նա ընդգծել է տնտեսական, մարդասիրական և անվտանգության ոլորտներում համագործակցության շարունակման կարևորությունը։

• ՀՀ դատախազությունը քրեական հետապնդում է սկսել մի շարք նախկին պաշտոնյաների նկատմամբ՝ պետական գույքի օտարման գործով։ Ըստ մեղադրանքի՝ պետությանը պատճառվել է ավելի քան 529 միլիոն դրամի վնաս։

• Իրանական Tasnim գործակալության տվյալներով՝ Թեհրանի և Վաշինգտոնի միջև հնարավոր համաձայնագրի շրջանակում կարող է ապասառեցվել շուրջ 24 միլիարդ դոլար։ Իրանը նախատեսում է միջոցների մի մասը ստանալ անմիջապես հուշագրի ստորագրումից հետո։

• Ռուսաստանում ընդունվել է օրենք, որը թույլ է տալիս կալանք դնել երկրի շահերի դեմ իրավախախտումներ կատարած ռելոկանտների ունեցվածքի և բանկային հաշիվների վրա։ Օրենքը ուժի մեջ կմտնի սեպտեմբերից։