11:00 Լուրերը մեկ տողով. Թռիչքներ Երևանի կենտրոնում. Արցախի նախկին ղեկավարների դատը

Անցած ժամվա լուրերը՝ հակիրճ և բովանդակային.

•Մայիսի 28-ի զորահանդեսի նախապատրաստական աշխատանքներով պայմանավորված՝ Երևանում հնչել են թնդանոթի կրակոցներ, և նախատեսվում են ավիացիոն թռիչքներ:

•Ազգային ժողովի հերթական նիստը պատգամավորների քվորում չապահովելու պատճառով չի մեկնարկել, և գրանցման գործընթացը հետաձգվել է:

•Բաքվի վերաքննիչ դատարանում մեկնարկել է Արցախի նախկին ղեկավարների և այլ գերիների վերաքննիչ բողոքների քննության գործընթացը։

•Արմավիրի մարզում հավաքներին քաղաքացիների նյութական շահագրգռման և ապօրինի զենք ու թմրանյութ պահելու կասկածանքով երկու տղամարդ է ձերբակալվել:

•Իրանցի բարձրաստիճան պաշտոնյան Մերձավոր Արևելքում ԱՄՆ ռազմական գործողությունների ֆոնին սպառնացել է նավթի գների կտրուկ աճով:

•Լիբանանի հարավային և արևելյան շրջաններին իսրայելական օդուժի հարվածների հետևանքով մեկ օրում զոհվել է առնվազն 34 քաղաքացի:

•ԱՄՆ պետքարտուղարը Ռուսաստանի արտգործնախարարի հետ զրույցից հետո նախագահ Թրամփին տեղեկացրել է Կիևում սպասվող վտանգների մասին:

•Ռուս-վրացական սահմանին արգելափակվել են հայկական բեռնատարներ, ինչը կապվում է ընտրություններից առաջ Մոսկվայի տնտեսական ճնշումների հետ: