Թրամփը նոր պահանջ է ներկայացրել իսլամական երկրներին

Axios-ի փոխանցմամբ՝ ԱՄՆ նախագահ Դոնալդ Թրամփը մի շարք իսլամական երկրների առաջնորդների կոչ է արել միանալ Իսրայելի հետ խաղաղության համաձայնագրերին, եթե ԱՄՆ-ի և Իրանի միջև գործարք ձեռք բերվի։ Այդ մասին հայտնում է Axios-ը՝ հղում անելով աղբյուրներին։

Աղբյուրի տվյալներով՝ Սաուդյան Արաբիայի, ԱՄԷ-ի, Կատարի, Պակիստանի, Թուրքիայի, Եգիպտոսի, Հորդանանի և Բահրեյնի առաջնորդների հետ բանակցությունների ընթացքում Թրամփը հայտարարել է, որ ակնկալում է՝ Աբրահամյան համաձայնագրերին չմիացած և Իսրայելի հետ խաղաղ հարաբերություններ չունեցող երկրները կկարգավորեն հարաբերությունները հրեական պետության հետ։

Աղբյուրի պնդմամբ՝ Սաուդյան Արաբիայի, Կատարի և Պակիստանի առաջնորդները զարմացած են եղել այդ առաջարկից։