Կրեմլը ուշադիր հետևում է Երևանի հայտարարություններին․ Պեսկովից սուր քննադատություններ

Հայաստանի արտաքին գործերի նախարար Արարատ Միրզոյանը լրագրողների հետ զրույցում անդրադարձել է երկկողմ հարաբերությունների ներկա վիճակին՝ ընդգծելով, որ պաշտոնական Երևանը ցանկություն չունի խզել քաղաքական, տնտեսական կամ որևէ այլ ոլորտում Մոսկվայի հետ առկա փոխգործակցությունը։ Արտաքին քաղաքական գերատեսչության ղեկավարի խոսքով՝ հայկական կողմը հակառակն է պնդում և պատրաստակամ է ջանքեր գործադրել երկու երկրների միջև բնականոն կապերի պահպանման ու հետագա խորացման ուղղությամբ։

Այս հայտարարությամբ նախարար Միրզոյանը հակադարձել է Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևի ավելի վաղ հնչեցրած տեսակետին։ Ռուսաստանցի պաշտոնյան նշել էր, թե Հայաստանի վարչապետ Նիկոլ Փաշինյանի վարած քաղաքականությունը ուղղակի սպառնալիքի տակ է դնում Ռուսաստանի, ինչպես նաև ՀԱՊԿ-ի ու ԵԱՏՄ-ի հետ հարաբերությունները, ինչն իր հերթին կարող է որոշակի հետևանքներ ունենալ։

«Օրերս մենք հայտարարություններ ենք լսել և ՀՀ վարչապետ Նիկոլ Փաշինյանից, և արտգործնախարարից այն մասին, որ Հայաստանը չի զբաղվելու հակառուսական հռետորաբանությամբ։  Մենք լսել ենք այդ հայտարարությունները», - ասել Է Պեսկովը լրագրողներին։

ՀՀ արտգործնախարարը սխալ է որակել Մոսկվայից հնչող այն պնդումները, թե Երևանը միտումնավոր գնում է ռուսական կողմի հետ հարաբերությունների վատթարացման։ Նա նկատել է, որ տարբեր ձևաչափերում առաջացող խնդիրները չպետք է դիտարկվեն որպես կապերի լիակատար ընդհատման գործընթաց, և հայկական կողմը շարունակելու է աշխատել գործընկերային միջավայրի պահպանման ուղղությամբ։