Մոսկվայից սենսացիոն հայտարարություն․ Զատուլինի կոշտ ուղերձը՝ Փաշինյանին

Ռուսաստանի Դաշնության Պետական դումայի ԱՊՀ գործերով կոմիտեի նախագահի առաջին տեղակալ Կոնստանտին Զատուլինն անդրադարձել է Հայաստանի վարչապետ Նիկոլ Փաշինյանի այն պնդմանը, թե Երևանը չի պատրաստվում վիճել Մոսկվայի հետ երկրների մասշտաբների անհամադրելիության պատճառով։ Ռուս խորհրդարանականի փոխանցմամբ՝ նման հայտարարությունները վկայում են միայն արտաքին քաղաքական կողմնորոշման փոփոխությունը թաքցնելու փորձերի մասին։

Ըստ պատգամավորի՝ վարչապետի տրամաբանությունից հետևում է, որ Ռուսաստանի հետ հակամարտությունից խուսափելու պատճառը ոչ թե դաշնակցային պարտավորություններն են կամ երկկողմ տնտեսական ու անվտանգային կապերի կարևորությունը, այլ զուտ պետությունների չափսերը։ Զատուլինը նշել է, որ հայկական կողմն այս իրավիճակում ստիպված է դիմել ոչ համոզիչ բացատրությունների։

Ռուս պաշտոնյան ընդգծել է, որ խնդիրը ոչ թե հավանական բախումն է, այլ Հայաստանի որդեգրած հետևողական քաղաքականությունը։ Որպես օրինակ նա մատնանշել է Հայկական ԱԷԿ-ի շահագործումից հանման վերաբերյալ Եվրոմիության հետ ստորագրված ճանապարհային քարտեզը, ՀԱՊԿ-ին անդամակցության սառեցումը, ինչպես նաև Եվրոպական միությանը անդամակցելու ձգտումները։