Կիևն ազդարարում է պատերազմի նոր փուլ․ Զելենսկին՝ հասցված նոր հարվածների մասին

Ուկրաինական զինված ուժերը հեռահար անօդաչու թռչող սարքերի կիրառմամբ հարձակում են գործել Ռուսաստանի Յարոսլավլ քաղաքում գտնվող նավթավերամշակման գործարանի վրա։ Այս մասին հայտնել է Ուկրաինայի նախագահ Վլադիմիր Զելենսկին՝ մանրամասնելով, որ թիրախավորված տնտեսական օբյեկտը գտնվում է ուկրաինական սահմանից շուրջ 700 կիլոմետր հեռավորության վրա։

Ըստ Ուկրաինայի առաջնորդի՝ նմանատիպ գործողությունները կրում են շարունակական բնույթ և միտված են Ռուսաստանի նավթային ու արտահանման ենթակառուցվածքների խոցմանը։ Նա նշել է, որ սա պատասխան քայլ է ուկրաինական բնակավայրերին հասցվող հարվածներին, և հավելել, որ առաջիկայում ևս նախատեսվում է կիրառել հեռահար սպառազինություն ինչպես ռուսական տարածքների, այնպես էլ վերահսկվող մյուս շրջանների ուղղությամբ։

Զելենսկին անդրադարձել է նաև հակամարտության ընթացքում հակառակորդի կրած կորուստներին։ Կիևի հրապարակած տվյալների համաձայն՝ 2026 թվականի սկզբից ի վեր ռուսական զինուժի ընդհանուր կորուստները գերազանցել են 145 հազարը, որոնցից մոտ 86 հազարը, ըստ ուկրաինական կողմի հաշվարկների, զոհվածներն են։